Search for:

Anketa e CRPC për zgjedhjet parlamentare: VMRO-DPMNE  në avantazh para LSDM-së, në epërsi edhe Opozita shqiptare kundrejt Frontit Europjan

Qendra për Kërkime Politike dhe  Komunikim (CRPC) në bashkëpunim me Shoqatën për gazetari, informim, komunikim dhe shërbime  të marketingut “Глас на вистината”  realizoj  anketën  e dytë  në prag të zgjedhjeve parlamentare 2024.

Në pyetjen: Për  cilën parti, apo koalicion  do të votoni në zgjedhjet për deputet në Kuvendin e Maqedonisë, qytetarët u përgjigjën me sa vijon :

Për VMRO-DPMNE, votën e tyre  do të jepnin  22,8% e të anketuarve, ndërsa për LSDM-në 16,3%  e të anketuarve.

Në kampin politik  shqiptar dallimi  ndërmjet dy blloqeve është shumë i vogël. Për koalicion e partive opozitare  „VLEN“ do të kishin votuar 7,7%  e të  anketuarve,   ndërsa për Frontin Europjan të udhëhequr nga BDI,  votën e tyre do të jepnin 6,9%  e qytetarëve  të anketuarve.

Për partinë e Majta mbështetjen e tyre do ta kishin dhënë 3,9 e të anketuarve. Për Partinë  ZNAM të Maksim Dimitrievskit do të  votonin  3,2% e të  anketuarve.

Poashtu, 17,6 %  e qytetarëve nuk mbështesin asnjërën prej partive, ose nuk do dalin të votojnë. Ndërkaq 22,6 % nuk ​​ka dhënë asnjë përgjigje.

Anketa është realizuar përmes telefonit në periudhën prej 8 deri më 13 prill të këtij viti me 1210 të anketuar, të përzgjedhur sipas një metode të rastësishme.

Hulumtimi është realizuar në nivel të gjithë territorit të Republikës së Maqedonisë së Veriut , duke u kujdesur për kriteret si: përbërja etnike, numri i votuesve, dhe shpërndarja gjeografike.

Margjina e gabimit +/- 3,0%. Rezultatet e anketës së realizuar, së bashkë me analizën e të dhënave e gjeni në  grafikën e mëposhtme

Anketa e CRPC: Davkova  para Pendarovskit, Taravarit dhe Osmanit në një garë të ngushtë!

Qendra për Kërkime Politike dhe  Komunikim (CRPC) në bashkëpunim me Shoqatën për gazetari, informim, komunikim dhe shërbime  të marketingut “Глас на вистината”  realizoj  anketën  e dytë  në prag të zgjedhjeve Presidenciale 2024.

Të pyetur: Për cilin kandidat do të votojnë në zgjedhjet presidenciale, qytetarët janë përgjigjur me sa vijon:

Për kandidaten e VMRO DPMNE Gordana Siljanovska Davkova do të votonin 20,4% e të anketuarve, ndërsa për konkurrentin e saj kryesor, presidentin aktual Stevo Pendarovski nga LSDM-ja, 16,8% e të anketuarve do të jepnin votën e tyre.

Në bllokun politik shqiptar, Arben Taravari nga koalicioni “VLEN”, sipas sondazhit është para Bujar Osmanit nga Fronti Evropian i udhëhequr nga BDI.

Kështu që,  për Taravarin do të votonin 7.9% e  qytetarëve të anketuar, ndërsa për  Osmanin 6.9% e të anketuarve.

Për Maksim Dimitrievskin nga ZNAM do të votonin 2,7% e të anketuarve, ndërsa për Biljana Vankovskën nga Levica 2,6% . Për kandidatin Stevço Jakimovski nga GROM do të votonin 1,2% e të anketuarve.  Poashtu, 18.2% e qytetarëve nuk mbështesin asnjërin prej kandidatëve , ndërsa  23.2% nuk ​​kanë dhënë asnjë përgjigje.

Anketa është realizuar përmes telefonit në periudhën prej 8 deri më 13 prill të këtij viti me 1210 të anketuar, të përzgjedhur sipas një metode të rastësishme.

Hulumtimi është realizuar në nivel të gjithë territorit të Republikës së Maqedonisë së Veriut , duke u kujdesur për kriteret si: përbërja etnike, numri i votuesve, dhe shpërndarja gjeografike.

Margjina e gabimit +/- 3,0%. Rezultatet e anketës së realizuar, së bashkë me analizën e të dhënave e gjeni në  grafikën e mëposhtme